Hráfæði- lifandi matur

Ensím
Mestallur hrár matur inniheldur ensím, sem eru sérhæfðir hvatar, sem hvetja efnahvörf í frumunum. Þessi ensím, sem eru til staðar í lifandi, hráum mat t.d. grænmeti, fara að brotna niður þegar þau eru hituð uppfyrir 40°C og nær öll ensím eru óstarfhæf við hitastig yfir 47°C.
Mannslíkaminn framleiðir sjálfur ensím sem nauðsynleg eru til meltingar, svokölluð meltingarensím, en ensím í matnum aðstoða einnig við meltingu. Ef ensímin í matnum eru óstarfhæf t.d. vegna hitunar þarf líkaminn að leggja til meira af meltingarensíum en annars er nauðsynlegt, til að geta melt matinn.
Frá 20 ára aldri minnkar ensímframleiðsla fólks jafnt og þétt .
Matur sem búið er að sjóða inniheldur lítið eða ekkert af aktífum ensímum.
Sumir vilja meina að langvarnadi neysla slíks matar leiði til ofálags á briskiritlinn og vangetu hans til að framleiða nægjanlegt magn meltingarensíma. Þannig missi neytandinn með tímanum getuna til að melta mat sem hann borðar.

Ekki svart eða hvítt
Rannsóknir benda til að sumar tegundir matar sé betra að borða hráar á meðan eldun nær að leysa betur næringarefni úr öðrum. Þetta á t.d. við með tómata, þar sem andoxunarefnið lycopene er mun aðgengilegra eftir suðu en fyrir. Ákv. vítamín, sérstaklega þau vatsnsleysanlegu (t.d. C og B) eru viðkvæm fyrir eldun og geta tapast útúr fæðunni við þá meðhöndlun. Lengd eldunartíma, aðferð, hitastig ofl .skiptir þarna líka máli og því lengur sem eldað er og því hærra hitastig, því meiri hætta er á að næringarefni misfarist.

Vinnslan hjá Pure Natura
Við teljum að jafnvægi sé lykillinn – í matarvali líkt og í svo mörgu öðru. Flest okkar geta örugglega að ósekju bætt við okkur meira af hráu grænmeti og ávöxtum og höllumst við að blöndu af elduðum mat og hrámeti eftir smekk og þörfum hvers og eins. Við erum nefnilega ekki öll eins.
Pure Natura bætiefnin okkar koma sterk inn hjá þeim sem ekki eru duglegir í hrámetinu, þar sem þau eru í reynd hráfæði. Vinnslan fer fram undir mildum vinnsluaðferðum og öflugu gæðakerfi, sem í senn tryggir gæði og öryggi framleiðslunnar. Við kald- og hraðþurrkum allt okkar hráefni rétt yfir frostmarki til að varðveita sem best ensím og önnur viðkvæm efni, bæði í kjötinu og jurtunum. Þannig tryggjum við að fjörefnin úr hráefninu, ensím ofl. skili sér sem best til neytandans.
Það er markmið okkar að framleiða eins góða fæðubót úr þessu einstaka hráefni og mögulegt er og skila því alla leið. Við teljum að það hafi tekist.

Heimild
Vísindavefurinn heimild.

Skoðaðu líka / See also: