Vörur – íslensk framleiðsla

Markmið Pure Natura er að framleiða hágæða bætiefni og matvæli úr íslensku hráefni: innmat og kirtlum úr íslenskum lömbum, villtum jurtum og grænmeti. Vörurnar innihalda engin aukaefni, soja, gluten, sykur, erfðabreytt efni eða mjólk. Vörurnar eru einnig lausar við hvers kyns skordýraeitur, plöntuvarnarefni, lyfjaleifar, hjálparefni og tilbúinn áburð.

 

Vörur frá Pure Natura

Pure Nutrition – Næringaruppbót

Pure Nutrition inniheldur íslenska lambalifur, og er einhver næringarríkasta fæða sem völ er á – sannkölluð ofurfæða. Hún er m.a. ein besta uppspretta A, B og D-vítamína auk þess að innihalda önnur vítamín, stein- og snefilefni. Í henni er að finna K og E vítamin, kopar, kalíum,magnesíum, fosfór og mangan. Hún er einnig sérlega járn- og koparrík og inniheldur andoxunarefnið Q10, mikilvægar fitusýrur (EPA, DHA AA) og hágæðaprótein.
Pure Nutrition hentar vel sem fæðubót með almennu mataræði og fyrir íþróttafólk.

Þú færð Pure Nutrition hér!
 

Pure Liver – Lifrarstyrkjandi

Pure Liver er einstök blanda úr íslenskri lambalifur og íslenskum villijurtum ætluð til að styrkja lifur og styðja við lifrarstarfssemi. Pure Liver inniheldur mikið magn fæðuunninna, auðnýtanlegra næringarefna fyrir lifrina. Sérvaldar, handtýndar villijurtir, sem nýttar hafa verið um aldir og þekktar eru af jákvæðum áhrifum á lifur og lifrarstarfssemi, veita frekari stuðning.

Pure Liver er fyrir þá sem vilja styðja við lifrarstarfssemi sína daglega eða jafnvel stöku sinnum eftir neyslu óæskilegs mataræðis, lyfja, áfengis ofl.

Þú færð Pure Liver hér!

 

Pure Heart – Hjartastyrkjandi

Blandan Pure Heart inniheldur íslensk lambahjörtu og villijurtir og sameinar á einstakan hátt stuðning við hjarta og æðakerfi með hreinni næringu og sérvöldum jurtum. Blandan inniheldur fjölda góðra næringarefna fyrir hjartað s.s. Co-ensím Q10 auk amínósýra sem nauðsynlegar eru fyrir heilbrigðan tengivef, liðamót og meltingarveg.
Pure Heart er fyrir alla þá sem vilja hugsa vel um/gera vel við hjartað sitt.

Þú færð Pure Heart hér!
 

Pure Power – Aukinn kraftur

Þessi magnaða orkusprengja er unnin úr hjörtum, lifur, burnirót og hvítlauk, en þetta er matur sem vantar að mestu í nútíma mataræði. Hver belgur af þessari öflugu blöndu inniheldur gnægð nauðsynlegra næringarefna í miklum gæðum og á formi sem líkaminn getur auðveldlega nýtt sér til viðhalds og orkuframleiðslu.

Pure Power er fyrir orku og lífskraft og hentar sérstaklega vel fyrir þá sem stunda miklar íþróttir.

Þú færð Pure Power hér!