Áður en framleiðsla á bætiefnunum okkar hófst, var ljóst að við værum með í höndunum frábært hráefni, þar sem íslenski lambainnmaturinn er einstakur hvað varðar næringargildi og hreinleika. Við vissum líka að jurtirnar í blöndurnar væru öflugar, en það sem síðan hefur komið í ljós er, að lokaafurðin, þ.e. blöndurnar okkar, eru að skila ennþá betri árangri en við áttum von á. Fólk talar um almenna vellíðan, aukna orku og úthald og að það hætti að dotta fyrir framan sjónvarpið eða tapa orkunni seinnipartinn, gigt og exem minnkar eða hverfur og við höfum jafnvel heyrt af fólki með óreglulegan hjartslátt sem varð einkennalaust eftir að það hóf neyslu á bætiefnunum.
Fallegri og unglegri húð og hár
Hjá þeim sem tekið hafa vörurnar hvað lengst, hefur okkur í ofanálag ítrekað verið bent á að hrukkumyndun hafi minnkað og að húðin sé teygjanlegri og unglegri en áður. Þegar við heyrðum þetta fyrst hlustuðum við svosem ekkert sérstaklega eftir þessu, enda ekkert óeðlilegt við það að almennt útlit batni við inntöku hágæða næringar. Þegar sífellt fleiri fóru að tala um bætt og frísklegra útlit, var þó forvitnin vakin og við ákváðum að skoða þetta betur, því svo sannarlega er það bónus sem vert er að minnast á ef rétt er.
Fegurðin kemur innan frá
Ýmislegt gerir það að verkum að húð fólks er missjöf að útliti og gæðum. Erfðir spila eflaust inní inní hjá mörgum og sumir virðast geta leyft sér æði margt hvað varðar meðferð á húðinni sinni án þess að það komi niður á útlitinu, á meðan aðrir mega varla stinga uppí sig sykurmola án þess að fá bólu eða exem. Svefnleysi, vanvirkur skjaldkirtill, stress, aldur, uppsöfnun eiturefna, lélegt mataræði og margt fleira hefur þarna áhrif. Mikil áhersla er á fallegt útlit húðarinnar og því fer hjá mörgum drjúgur skildingur í kaup á ý.k. húðkremum og meðferðum til fegrunar húðarinnar. En hvað ef það skiptir jafnmiklu eða meira máli hvað við borðum eða hvort eitthvað vantar í matinn en hvað við setjum á húðina ? Og hvað gæti það verið í vörunum okkar sem hefði áhrif til góðs í þessu sambandi. Skoðum það aðeins betur:
Helstu hrukkubanarnir
Gott mataræði og hreint vatn í nægjanlegu magni eru nauðsynleg og hafa áhrif á útlit og teygjanleika húðarinnar. Pure Natura bætiefnin eru rík af næringarefnum, sem skipta máli fyrir húðina til að hún geti viðhaldið ferskleika sínum og haldist stinn, heilbrigð og falleg. Þetta eru A, B og C-vítamín, kopar, sink og lífsnauðsynlega amínosýran L-lýsín.
A-vítamín: Það er þekkt fyrir að hafa yngjandi áhrif á húðina, gefa henni fallegan ljóma og halda henni sléttri. Það flýtir fyrir endurnýjun húðfruma og eflir varnir húðarinnar og er því nauðsynlegt fyrir heilbrigði húðarinnar; hefur m.a. hæfileika til að hafa góð áhrif til minnkunar á þrymlabólum og jafnar húðlit. Skortur á þessu vítamíni getur leitt til húðþurrks og hárloss. Í lambalifur er að finna eitthvert mesta magn A-vítamíns á auðupptakanlegu formi sem hægt er að fá úr einni fæðutegund.
B-vítamín: Þau hafa reynst góð fyrir húðina og ekki síður hárið. Ein tegund B-vítamíns, Biotin, er sennilega þekktara en hin af góðum áhrifum þess til fegrunar. Það dregur úr ótímabærum öldrunareinkennum húðarinnar sem orsakast af sólarljósi. Skortur á Bíótíni getur valdið þynningu hárs, flögnun á húð og brothættum nöglum. Sumar rannsóknir benda til að það, ásamt sinki, geti dregið úr hárlosi. Lambalifur inniheldur öll B-vítamínin í miklum mæli, í blöndu við ýmis önnur efni s.s. sink.
C-vítamín: Það hefur mikið verið notað í snyrtivörur þar sem það eflir teygjanleika húðarinnar, er nauðsynlegt fyrir myndun kollagens, hefur andoxandi áhrif og er talið verja húðina fyrir áhrifum útfjólublárra geisla. Þótt sumum kunni að finnast það ótrúlegt er C-vítamín að finna bæði í lambalifur og hjörtum.
Kopar: Hjálpar til við framleiðslu kollagens og elastins (teygjanlegt trefja glycíprótín sem finnst í vefjum), auk þess að stuðla að framleiðslu hyaluriononsýru (sem viðheldur raka, gefur fyllingu og hjálpar við viðgerðir) Næg hyaluriononsýra í húðinni þýðir færri línur og minni slappleiki húðar. Andlitsmaskar með kopar eru sumstaðar notaðir til að flýta heilun eftir laser-meðferðir á húð og krem með kopar þykja hraða bata og yngingu húðar eftir andlitsmeðferðir. Kopar hjálpar til að viðhalda hárlit og seinka gránum hára þar sem hann ber ábyrgð á litarefnum í hári, húð og augum. Kopar finnst í miklum mæli í lambalifur en einnig í hjörtum.
Sink er nauðsynlegt steinefni fyrir frumuefnaskipti, ónæmiskerfið og sáraheilun. Það er árangursríkt við lækningar á húðskemmdum, meðferð á unglingabólum, sóriasis og húðbólgu (dermatitis). Sink er að finna í talsverðum mæli í lambahjörtum og lifur.
Lífsnauðsynlega amínósýran L-lýsín er eitt af lykilefnunum í kollageni og spilar mikilvægt hlutverk í framleiðslu þess. Kollagen stuðlar að heilbrigðri uppbyggingu húðarinnar. L-lýsin er auk þess eitt af byggingarefnum hárs og inntaka þess getur hugsanlega haft áhrif á hárvöxt og komið í veg fyrir hárlos.
Þess virði að bíða eftir
Auk þeirra efna sem að framan eru talin er mörg fleiri efni, sem þekkt eru af góðum áhrifum á húðina s.s. E- og K-vítamín, selen, Q10, járn og fitusýrur að finna í vörunum okkar. Það er því ljóst að þær innihalda öfluga næringu með margþætt heilsubætandi áhrif, þ.m.t. fyrir húðina. Samvirkni þessara næringarefna hvert við annað og við önnur efni sem í blöndunum finnast (m.a. úr jurtunum), gerir það að verkum að margskonar endurnýjun og uppbygging getur verið í gangi samtímis í líkamanum – allt eftir því hvað hann setur í forgang sjálfur. Það er reynsla okkar að það taki nokkrar vikur, jafnvel mánuði fyrir jákvæðar breytingar að fara að sjást greinilega á húðinni. Þetta er þó misjafnt eftir fólki, ástandi líkamans og húðarinnar sem og hversu mikið er tekið inn af bætiefnunum Hér er það þolinmæðin sem gildir. Með reglulegri inntöku þessa hágæða fæðuunna bætiefnis fær líkaminn næringarefni sem hann getur svo sannarlega nýtt til viðhalds og uppbyggingar á húð og hári. Óneitanlega bónus sem margir eru tilbúnir að bíða eftir.
Heimildir:
http://nutritiondata.self.com/facts/lamb-veal-and-game-products/4668/2
http://www.matis.is/media/utgafa/Naering_kjot.pdf
https://chriskresser.com/natures-most-potent-superfood/
